(*)ពិធីសំណេះសំណាលរវាងថ្នាក់ដឹកនាំជាន់ខ្ពស់គណបក្ស ភ្លើងទៀន ជាមួយក្រុមប្រឹក្សាឃុំ-សង្កាត់ជាប់ឆ្នោតចំនួន ១៥៣រូប និងថ្នាក់ដឹកនាំគណបក្សក្រុង ស្រុក ទាំង១២ នៅខេត្តសៀមរាប ក្រោមអធិបតីភាពលោកបណ្ឌិត សុក ហាច អនុប្រធានគណបក្ស ភ្លើងទៀន នៅទីស្នាក់ការគណបក្សខេត្តសៀមរាប ព្រឹកថ្ងៃទី០២ ខែមិថុនា ឆ្នាំ២០២៣។ វត្តមានចូលរួមក្នុងឱកាសនោះដែរ រួមមានលោក គីមសួរ ភិរិទ្ធ អ្នកនាំពាក្យគណបក្ស លោក សុខ គឹមសេង អគ្គលេខាធិការរង និងជាប្រធានក្រុមការងារខេត្តសៀមរាប និងលោក ស៊ុម ទិត្យា អគ្គលេខាធិការរង ព្រមទាំងថ្នាក់ដឹកនាំសំខាន់ៗជាច្រើនរូបទៀតក្នុងខេត្តសៀមរាប។
(*)គណបក្ស ភ្លើងទៀន នៅតែរក្សាជំហរ និងឆន្ទៈយ៉ាងមុតមាំក្នុងការចូលរួមការបោះឆ្នោត ទាំងថ្នាក់ជាតិ និងថ្នាក់ក្រោមជាតិ និងត្រៀមខ្លួន ក្នុងការចូលរួមការបោះឆ្នោតជាបន្តបន្ទាប់នៅពេលខាងមុខ ដើម្បីផ្ដល់ឱកាសដល់ប្រជាពលរដ្ឋក្នុងការសម្រេចចិត្ត ជ្រើសរើសតំណាងស្របតាមឆន្ទៈរបស់ខ្លួន ព្រមទាំងជម្រុញ និងលើកស្ទួយគ្រឹះលទ្ធិប្រជាធិបតេយ្យ សេរីពហុបក្ស នៅក្នុងប្រទេសកម្ពុជា៕
