លិខិតគណបក្សភ្លើងទៀន ផ្ញើជូន ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ស្នើរសុំដាក់បញ្ចូល នូវអនុសាសន៍កែប្រែលើចំណុចមួយចំនួន នៃសេចក្តីព្រាងបទបញ្ជា និងនីតិវិធី សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣

(*)គណបក្ស ភ្លើងទៀន អំពាវនាវដល់បងប្អូនប្រជាពលរដ្ឋខ្មែរ គ្រប់រូប ដែលមិនទាន់បានចុះឈ្មោះបោះឆ្នោត សូមមេត្តាអញ្ជើញទៅចុះឈ្មោះបោះឆ្នោតឲ្យបានគ្រប់ៗគ្នា និងទាន់ពេលវេលា ចាប់ពីពេលនេះ រហូតដល់ថ្ងៃទី០៨ ខែធ្នូ ឆ្នាំ២០២២ (គិតទាំងថ្ងៃសៅរ៍ និងថ្ងៃអាទិត្យ)។

អបអរសាទរនិងស្វាគមន៍ចំពោះអ្នកនយោបាយទាំង១១៨រូបដែលបានរួចផុតបម្រាមពីជីវភាពនយោបាយរួមទាំងអ្នកនយោបាយដទៃទៀត។

ថ្ងៃទី១០ ខែវិច្ឆិកា ឆ្នាំ២០២២ (*)គណបក្ស ភ្លើងទៀន សូមស្វាគមន៍យ៉ាងកក់ក្តៅចំពោះដំណើរទស្សនកិច្ច និងការចូលរួមរបស់លោក Jo Biden ប្រធានាធិបតីសហរដ្ឋអាមេរិក នៅក្នុងកិច្ចប្រជុំកំពូលអាស៊ាន-សហរដ្ឋអាមេរិកលើកទី១០ ដែលប្រទេសកម្ពុជាធ្វើជាម្ចាស់ផ្ទះ ប្រព្រឹត្តទៅចាប់ពីថ្ងៃទី១០-១៣ ខែវិច្ឆិកា ឆ្នាំ២០២២ នៅរាជធានីភ្នំពេញ។ (*)គណបក្ស ភ្លើងទៀន ស្នើសុំការអន្តរាគមន៍ពីលោកប្រធានាធិបតីសហរដ្ឋអាមេរិក ជំរុញឱ្យរាជរដ្ឋាភិបាលកម្ពុជា ដឹកនាំដោយគណបក្សប្រជាជនកម្ពុជា៖ -បញ្ឈប់រាល់ការធ្វើទុក្ខបុកម្នេញផ្នែកនយោបាយ ការគំរាមកំហែងផ្សេងៗ និងការប្រើប្រាស់ប្រព័ន្ធតុលាការ ដើម្បីបង្ក្រាបសំឡេងប្រឆាំង។ -ទម្លាក់ចោលរាល់ការចោទប្រកាន់ហេតុផលនយោបាយប្រឆាំងនឹងសកម្មជននយោបាយ សង្គម និងបរិស្ថាន ដែលត្រូវបានឃុំខ្លួនដោយអយុត្តិធម៌នៅក្នុងពន្ធនាគារ។ -ដោះលែងអ្នកទោសមនសិការទាំងអស់ដោយគ្មានលក្ខខណ្ឌ។ -បង្កើតលំហនយោបាយ ដើម្បីធានាគោលការណ៍ប្រជាធិបតេយ្យ រួមទាំងសិទ្ធិក្នុងការបញ្ចេញមតិ និងការគោរពសិទ្ធិមនុស្ស។ -ឯករាជ្យភាពរបស់គណៈកម្មាធិការជាតិរៀបចំការបោះឆ្នោត (គ.ជ.ប)...

គណបក្ស ភ្លើងទៀន សូមចូលរួមអបអរសាទរ ចំពោះកិច្ចប្រជុំកំពូលអាស៊ានលើកទី៤០ និង៤១ និង កិច្ចប្រជុំកំពូលពាក់ព័ន្ធ ដែលកម្ពុជាធ្វើជាម្ចាស់ផ្ទះ ប្រព្រឹត្តទៅនៅថ្ងៃទី១០-១៣ ខែវិច្ឆិកា ឆ្នាំ២០២២នេះ។

លិខិតថ្វាយបង្គំព្រះមហាក្សត្រក្នុងគំរប់ខួបទិវាឯករាជ្យជាតិ៩វិច្ឆិកា២០២២

សូមក្រាបបង្គំទូលថ្វាយ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទីសក្ការៈដ៏ខ្ពង់ខ្ពស់បំផុត ក្នុងឱកាសព្រះរាជពិធីបុណ្យខួបលើកទី១៨ នៃថ្ងៃយាងឡើងគ្រងព្រះបរមសិរីរាជសម្បត្តិរបស់ព្រះករុណាជាអម្ចាស់ជីវិតលើត្បូង នាថ្ងៃទី២៩ ខែតុលា ឆ្នាំ២០២២នេះ។

គណបក្ស ភ្លើងទៀន សូមអំពាវនាវដល់អាជ្ញាធរគ្រប់ជាន់ថ្នាក់ បញ្ឈប់នូវរាល់សកម្មភាពគំរាមកំហែង និងបង្ខិតបង្ខំសមាជិក-សមាជិកាក្រុមប្រឹក្សាឃុំ-សង្កាត់មកពីគណបក្ស ភ្លើងទៀន នៅទូទាំងប្រទេស ឲ្យធ្វើអ្វីផ្ទុយពី ឆន្ទៈរបស់ខ្លួន និងប្រាសចាកពីរដ្ឋធម្មនុញ្ញនៃព្រះរាជាណាចក្រកម្ពុជា និងច្បាប់ជាធរមាននានា និងស្នើសុំក្រសួង មហាផ្ទៃ ធ្វើសេចក្ដីណែនាំទៅអាជ្ញាធរមូលដ្ឋានគ្រប់លំដាប់ថ្នាក់ ឲ្យបញ្ឈប់សកម្មភាពគំរាមកំហែង និងបង្ខិតបង្ខំ សមាជិក-សមាជិកាក្រុមប្រឹក្សាឃុំ-សង្កាត់មកពីគណបក្ស ភ្លើងទៀន តទៅទៀត ដើម្បីធានាបរិយាកាសល្អប្រសើរ ដល់ដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ ខាងមុខនេះ ឲ្យប្រព្រឹត្តទៅដោយ សេរី ត្រឹមត្រូវ និងយុត្តិធម៌។